التي تسير على الأرض، وأنها نسخة استثنائية لن تتكرر.
وعن أهم صفاتها والتي وصفها بـ"الجدعة والست بمية راجل"، قال كريم: "صاحبة صاحبها هي كل حاجة وعكسها طفلة وشخصيتها قوية عنيدة جداً بس عندها يتحب هي شخصية استثنائية ملهاش نسخة، أنا بحبها جداً".

وعن أصعب صفاتها، قال: "طفلة فلازم نعرف إننا بنعامل طفلة في كثير من الأحيان كل شيء وعكسه عيوبها هي مميزاتها ومميزاتها هي عيوبها لازم أكون حكيم معها طول الوقت لأنها طفلة لكن طفلة لذيذة وبشخصية قوية في أوقات".

وفجّر كريم فهمي مفاجأة حين كشف عن إصابة ياسمين عبد العزيز باضطراب فرط الحركة وتشتت الانتباه (ADHD)، قائلاً: "أنا وهي عندنا ADHD، وده بيظهر مثلاً إننا ممكن نكون بنتكلم في حاجة مهمة جداً وفجأة تلاقيها راحت في موضوع تاني خالص... لازم ترجّعها تاني للموضوع، ياسمين طفلة فعلاً".

وأضاف: "أنا اكتشفت إني عندي ADHD بالصدفة لما بنتي كانت بتعاني من قلة التركيز، رحت أطّمن عليها عند دكتورة، فقالت لي: على فكرة حضرتك كمان عندك ADHD".

واسترجع كريم فهمي ذكرياته من أيام الدراسة إذ قال: "لما الدكتورة فاجأتني بالتشخيص رجعت "فلاش باك" فاكر وأنا صغير كنت قاعد في الفصل والمدرّس بيشرح، بحس كأن ستارة نزلت قدامي... ماكنتش بركّز، زي جملة "هو ذكي لو ركز"".
وعن تأثير هذا الاضطراب في حياته، قال: "التركيز بيكون قوي جداً في اللي بنحبه بس... لو حاجة مش حاببها، خلاص تركيزي بيطير، لكن لما أحب حاجة بعملها بأقصى طاقة".

وعن مستواه الدراسي، قال كريم فهمي: "في الثانوية العامة كنت شاطر علشان أدخل طب الأسنان، كنت طالب طب ومسالم جداً، في المدرسة كنت شقي بطيبة، أما أحمد شقيقي فكان شقي زيي بس شقاوته تعمل بلاوي، كنت أشقى منه بس شقاوته تعمل بلاوي".

صور نشرتها الفنانة على صفحتها الانستغرام -بدون كريدت

 صور نشرتها الفنانة على صفحتها الانستغرام -بدون كريدت