الذكاء الاصطناعي صار من زمان جزء لا يتجزأ من حياتنا – من محركات البحث، لتطبيقات أرشاد، ولأنظمة الخدمة الذكية. واليوم، دخل كمان على نظام الصحة، وبطريقة راح تغيّر كيف نتواصل مع صندوق المرضى.

خدمة طبية بسيطة وذكية

بهدف تحسين تجربة المرضى وتسهيل الخدمات بشكل بسيط وفعال، أطلقت مئوحيدت مؤخرًا "مئوحيدت" AI – خدمة مبتكرة تعتمد على الذكاء الاصطناعي، وتتيح لكل مريض إن يسأل أسئلة بالطريقة اللي بيحكيها، ويأخذ جواب فوري، بدون الحاجة للتنقل بين شاشات أو يعرف اسم الخدمة بين كل الخيارات اللي بالموقع أو التطبيق.

الخدمة الجديدة هي تطوير كبير للمساعد الديجيتالي "نُوح" اللي أُطلق قبل حوالي سنة ونص، ومن وقتها عم يساعد عشرات آلاف المرضى بتقصير أوقات الانتظار للطبيب، من خلال الاستفادة من المواعيد اللي تفضّت أو انضافت. واليوم، التحديث الجديد بدمج تقنيات ذكاء اصطناعي متطورة، بتتيح البحث باللغة التي نريدها – كتابيًا أو صوتيًا – وبتخلي المرضى يسألوا أسئلة مثل:

"وين في موعد فاضي لطبيب أطفال بالناصره؟"،أو "شو نتائج فحوصات الدم الأخيرة اللي عملتها؟"، وغيرها الكثير.

"عنجد كأني بسأل صاحبي"

الخدمة لاقت ردود فعل إيجابية من المستخدمين الأوائل اللي جربوها، واللي أشاروا للسهولة والسرعة. واحدة من المريضات قالت: "عنجد كأني بسأل صاحبتي شو لازم أعمل". هالأسلوب من الحوار الحر، بدون تعقيد بالتنقل بين القوائم، بيكون مناسب بشكل خاص للفئات الأقل استخدامًا للتكنولوجيا، وكمان للناس اللي بدها توفر وقت.

رؤية ديجيتاليه – نظرة من الداخل

"العالم صار يعتمد على حوار حر، ونظام الصحة لازم يتكيّف مع العادات الجديدة للمرضى"، بحسب ما قاله عموس مأور، نائب المدير العام لقسم الزبائن في مئوحيدت. وأضاف: "الأيام اللي كنا ندوّر فيها على المعلومة المطلوبة لدقايق طويلة خلصت، وإحنا فخورين نكون رواد هالثورة بالمجال".

ألون يافيه، القائم بأعمال مدير قسم أنظمة المعلومات في مئوحيدت، شرح إن "التحدي الأساسي كان نخلق نظام ذكاء اصطناعي يكون من جهة ذكي كفاية ليفهم كل طلبات المرضى، ومن جهة ثانية يشتغل بدقة وأمان". وأضاف: "بالأشهر القادمه، راح نوسّع خدمات الذكاء الاصطناعي في الصندوق لقدرات إضافية، منها استرجاع معلومات وتنفيذ عمليات بلغات مختلفة".

أطلقت مئوحيدت مؤخرًا حملة إطلاق للخدمة الجديدة، اللي بتشمل إعلانات خارجية في البلدات العربية، وعلى الشبكات الاجتماعية، وفي المواقع الرائدة باللغة العربية، تحت الشعار: "الخدمة الأكثر راحة منAI وقت" .