‘ضايع بِلا عِنوان ‘ - بقلم : سيمون عيلوطي
22-11-2022 07:59:25
اخر تحديث: 29-11-2023 07:55:00
لَمْلِمي دَعْساتي... عن جَمْر الطَّريق رَجِّعـي ضُحْكاتي...
للحُبِّ العَتيق
وِمْسَحي دَمْعاتي...
إلْ فوق الخُدود
مِشتاق ضُمِّك
في رَعْشات الزُّنود
وْتِنْكِسِر بيناتْنا
كُلِّ الحُدود!!
***
دونِك أنا ...
ضايع بِلا عِنوان
خَيال ماشـي
لـَ لا مَـكــان
وَرْقَه يِنْعَفْها الهَوَا
خَلْف الزَّمان!!
ليش ما عاد الغِوَى
يِغري بْوُعود؟؟!!
***
شارِد أغنّي يا هَوَى
بْزَقْزَقِةْ لَحْن الطُّيور
هَدني طول النَّوَى
ذِبْلَت زْرار الزُّهور
عا حْدودي مِ الجَوَى ...
ليش عا قلبي يِجور؟!
معقول هَالحُب انْطَوَى...
صار من ماضي
عُهود؟!
***
شارِد أغنّي يا هوى
يْعود الصَّدى...!!
بِجْروح وِهْموم
وْجَوَى
وْما في حَدا...
يِجْمعَني مع حُبِّي سَوا
طال المَدَى
بيناتْنا، جِسْري هَوَى،...
عودي لَوا
راح في حُبِّك سُدَى
مال وْدَوَى*
صُرت ريشِه بِالهَوا
طايِر في هَالوُجود!!
آآآآآخ من كُثر الصُّدود!!
---------------
* دَوَى: هَمَدَ.
من هنا وهناك
-
قراءة في رواية ‘عودة الموريسكي من تنهداته‘ - بقلم : صافي صافي
-
قصة قصيرة ‘الضوء الذي لا ينطفئ‘ - بقلم : الكاتبة اسماء الياس من البعنة
-
‘ زياد الرّحباني .. تركتَ في نفوسِنا جُرحًا وبصماتٍ ‘ - بقلم : زهير دعيم
-
‘ ازرعني يا الله وردةً جوريةً ‘ - بقلم : زهير دعيم
-
‘ رثاء فيروز لزياد ‘ - بقلم: رانية مرجية
-
‘فارسُ الشِّعرِ والأدبِ وعُملاقِ الكلمةِ يَترَجَّلُ عن صَهْوَةِ جَوَادِهِ‘ - بقلم : الدكتور حاتم جوعية
-
‘ هي التي أشعلت في قلبي الحبر ‘ - بقلم: رانية مرجية
-
تعداد البجع السنوي يبدأ في بريطانيا على نهر التايمز
-
‘ مَنَارُ الفِدَا ‘ - بقلم : الدكتور حاتم جوعية
-
‘ الله يراني ‘ - بقلم : رانية مرجية
إعلانات
إعلانات
أرسل خبرا